Myndir af gosinu í morgun - lítið gos

Verulega hefur dregið úr virkni gossins í Fagradalsfjalli en þyrla Landhelgisgæslunnar flaug í morgun með vísindamenn á vegum Veðurstofu Íslands yfir gosstöðvunum. Meðfylgjandi myndir eru frá gæslunni úr þeirri ferð.

Víðir Reynisson, yfirlögregluþjónn hjá almannavarnadeild ríkislögreglustjóra sagði í morgun að um mjög lítið gos sé að ræða en að blátt ský hafi legið yfir eldstöðvunum í morgun sem sé merki um gosmengun. Ekkert bendi til hættu í byggð.