Mun færri búa í Reykjanesbæ en vilja
- samkvæmt niðurstöðum nýrrar könnunar Capacent.
Um 6,5 prósent landsmanna búa á Suðurnesjum en í nýrri könnun Capacent sögðust um 11 prósent helst vilja flytjast þangað næst þegar þeir skipta um húsnæði. Þetta kom fram í kvöldfréttum RÚV. Flestir vildu flytja til Reykjavíkur, eða um 42 prósent. Um 13 prósent sögðust vilja flytja til Kópavogs. Af þeim sem vildu búa í Reykjavík sögðust 58 prósent vilja búa í miðbænum og Vesturbæ. Það hlutfall fer upp í nærri 90 prósent í aldursflokknum 18 til 24 ára. Í Reykjavík bjuggu árið 2013 um 120 þúsund manns en miðað við könnun Capacent vilja um 138 þúsund manns búa þar, sem myndi þýða um 15 prósent fjölgun íbúa þar.
