MSS útskrifar 54 nemendur

Miðstöð Símenntunar á Suðurnesjum (MSS) útskrifaði 54 nemendur þann 20. desember sl. við hátíðlega athöfn á fimmtu hæð í Krossmóa. Eftir athöfnina var útskriftarnemum og gestum þeirra boðið upp á léttar veitingar. Elvar Þór Magnússon hélt ræðu fyrir hönd útskriftarnema og ungmennakórinn Vox Felix söng jólalög.

MSS fagnar tuttugu ára afmæli þann 1. febrúar nk. og hefur verið haldið upp á það með margvíslegum hætti á þessu ári og fagnað verður áfram á næsta ári.
Þetta var í þriðja sinn sem sameiginleg útskrift námsleiða í öllum áföngum var haldin en MSS leggur áherslu á það að fagna beri öllum áföngum og eru þau afar stolt af árangri nemenda sinna. Útskrifað var af fimm námsleiðum þessa önnina, Félagsliðabrú, Skrifstofuskóla, SMR, Grunnmenntastoðum og Menntastoðum.