Moka upp makríl
– með stefnið í bryggjusporðinn
Makrílflotinn hefur verið að moka upp afla nokkra metra frá landi við Keflavík í allan dag. Í hádeginu voru fjölmargir bátar við bryggjuendann í Keflavík og um tíma var einn báturinn með stefnið í bryggjuendann þannig að hægt var að ganga þurrum fótum um borð.
Ónákvæm talning blaðamanns Víkurfrétta benti til þess að alls væru 17 bátar að veiðum við Keflavíkurhöfn og undir Berginu, skammt frá smábátahöfninni.
Meðfylgjandi myndir voru teknar í hádeginu. VF-myndir: Hilmar Bragi
