Mjótt á munum í Grindavík

Mjótt var á munum Framsóknarflokksins og Sjálfstæðisflokksins í Grindavík í síðustu könnun Víkurfrétta á vf.is. Spurt var hvaða flokk fólk myndi kjósa í Grindavík ef gengið yrði til kosninga í dag.

Sjálfstæðisflokkurinn hlaut 40% atkvæða en alls tóku 448 manns þátt í könnuninni. Skammt á hæla Sjálfstæðisflokksins kom Framsóknarflokkurinn með 39% atkvæða og Samfylkingin þar langt á eftir með 18%. 3% þátttakenda voru óákveðin.

Nú er komin inn ný könnun hér á vf.is og að þessu sinni er spurt hvað fólk myndi kjósa ef gengið yrði til kosninga í Sandgerði í dag.