Mjög ölvaður skarst illa á flösku sem hann datt á

Um kl. 04 aðfararnótt sunnudags var tilkynnt að maður hefði skorist illa á baki á Tjarnargötu í Sandgerði. Lögregla og sjúkralið fór á staðinn.

Utan við verbúð Miðnes hafði mjög ölvaður maður fallið í jörðina en svo óheppilega vildi til að hann lenti ofan á glerflösku. Maðurinn skarst illa á bakinu. Hann var fluttur á HSS til aðhlynningar.