Missti vélarafl við Grindavík
Björgunarskipið Oddur V. Gíslason frá Grindavík var kallað út rétt upp úr klukkan 13 í dag vegna trillu sem var vélarvana suðaustur af Hópsnesi. Í fyrstu var talið að báturinn væri stutt frá landi og var því Oddur V. Gíslason sendur af stað með hraði. Stuttu eftir að lagt var af stað kom í ljós að báturinn var töluvert austar en í fyrstu var talið. Klukkan 14 hafði Oddur V. náð að koma spotta um borð í bátinn og sigla þeir nú áleiðis til Grindavíkur. Grindavik.is greinir frá.
---
VFmynd/Oddur V. Gíslason í Grindavík.
