Minnt á skólabörn í umferðinni

Í tilefni af umferðarátaki eru starfsmenn Þjónustumiðstöðvar Reykjanesbæjar nú í óðaönn að hengja upp umferðarborða við helstu umferðaræðar og skóla sem hefja starfsemi sína á næstunni.

Bætt hefur verið við nýjum borðum til viðbótar við þá sem fyrir voru og er það von umhverfis- og skipulagssviðs að íbúar taki jákvætt við skilaboðunum. Einnig hafa verið settir upp borðar með skilaboðum til ungra ökumanna.

Kamilla Birta Guðjónsdóttir, sem sést hér á myndinni var áhugasöm um umferðarborðana og veitti starfsmönnum þjónustumiðstöðvarinnar dygga aðstoð við að setja nýja borða upp við Myllubakkaskóla í vikunni. Stúlkan á fánanum heitir Árdís Inga Þórðardóttir.

Munum umferð nýrra vegfarenda við skóla og ökum varlega!

Af vef Reykjanesbæjar, www.rnb.is