Minnsta skólasóknin á Suðurnesjum

Nokkur munur er á skólasókn 16 ára ungmenna eftir landshlutum. Hlutfallslega flestir 16 ára unglingar sækja skóla á Austurlandi en þar er skólasókn 96%. Hins vegar sækja hlutfallslega fæstir skóla á Suðurnesjum en þar eru 88% 16 ára ungmenna skráð í skóla. Munurinn á milli þessara landshluta er því 8 prósentustig sem er umtalsverður munur. Þetta kemur fram í gögnum Hagstofu Íslands.

Í 17 ára aldursflokknum er svipaða sögu að segja. Þar er skólasókn langminnst á Suðurnesjum eða 74%. Hún er næstminnst á Suðurlandi eða 84%. Á Norðurlandi er hún mest eða 94%.
---

VFmynd/elg