Milljón í æskulýðssjóð og útgáfustyrkur til kirkjunnar

Sveitarfélagið Garður afhenti á dögunum Útskálakirkju eina milljón króna að gjöf sem sem stofnframlag í Æskulýðsjóð kirkjunnar.
Einnig styrkti sveitarfélagið útgáfu afmælisrits vegna afmælisins um 130.000 kr. og var þetta samþykkt samhljóða á síðasta fundi bæjarráðs Garðs

Á fundinum lagði L-listinn í Garði fram eftirfarandi bókun: „L-listinn er alls ekki á móti gjöf til Útskálakirkju en er ekki sáttur við að málið hafi ekki verið tekið fyrir á bæjarráðs eða bæjarstjórnarfundi fyrir afmælið. Var ekki bæjarstjóri formaður afmælisnefndar Útskálakirkju og vissi af dagsetningu löngu fyrir afmælið. Vill L-listinn hvetja til faglegri vinnubragða við úthlutun gjafa innan bæjarstjórnar“.