Miklu færri þiggja fjárhagsaðstoð hjá Reykjanesbæ

Minnkandi atvinnuleysi hefur áhrif á greiðslu fjárhagsaðstoðar hjá sveitarfélögunum. Þannig var útgreidd fjárhagsaðstoð hjá Reykjanesbæ í október 2016 12,8 millj. kr. á móti 20,3 millj. kr. árið 2014.

Lækkun í húsaleigubótum er minni en hún nam 33 millj. kr. í október 2015 en var 36,4 millj. kr. í sama mánuði í fyrra.

Í Reykjanesbæ voru 257 einstaklingar án atvinnu í október og var 114 færri en í sama mánuði í fyrra. Heildarfjöldi atvinnulausra á Suðurnesjum öllum var 372 í október.