Miklar skemmdir á íbúð eftir eld og reyk

Rètt fyrir klukkan tvö í nótt kom tilkynning frá neyðarlínu um eld í fjölbýli á annari hæð í Reykjanesbæ. Í upphafi var ekki vitað hvort maður væri innandyra svo reykkafarar voru sendir inn í leit til að útiloka það.

Mikill reykur og hiti var innandyra en slökkvistarf gekk vel. Miklar skemmdir eru á íbúðinni eftir eld og reyk en eldsupptök eru óljós en lögregla fer með rannsókn málsins. Einn dælubíll og körfubíll voru sendir á vettvang, segir í tilkynningu frá Brunavörnum Suðurnesja.