Mikill sjógangur við varnargarða

Mikið óveður liggur nú yfir landinu og hefur mikið gengið á hjá björgunarsveitum og lögreglu. Björgunarsveitir á Suðurnesjum voru í viðbragðsstöðu í alla nótt og eru enn í dag vegna veðursins sem ennþá stendur yfir.

Þakskyggni í Innri Njarðvík, gert úr þykkri járnplötu var við það að losna þegar Björgvunarsveit Suðurnesja kom á svæðið og náði að losa það af húsinu áður en það olli skemmdum.

Mikið brim skellur á varnargörðum við Ægisgötu í Keflavík og hefur lögreglan lokað part af þeim vegi vegna sjógangs.

VF-Myndir/siggijóns - [email protected]

Björgunarsveitin Suðurnes losar þakskyggni í Innri-Njarðvík.

Mikið brim er við varnargarða og sjórinn gengur langt upp á land.