Mikil rigning í dag
- Styttir upp á fimmtudagskvöld
Áfram er spáð rigningu á Suðurnesjum og í dag, miðvikudag verður heildarúrkoman 40 mm á sólarhring en á morgun, fimmtudag 10 mm. Gert er ráð fyrir nær samfelldri rigningu um landið sunnan- og vestanvert og á köflum allhvössum eða hvössum vindi að því er segir í hugleiðingum veðurfræðings á vef Veðurstofu Íslands. Þar segir að hafa megi í huga að á þessum árstíma sé trjá- og runnagróður að fella lauf og geta niðurföll auðveldlega stíflast með tilheyrandi vatnsskaða. Hiti verður 8 til 10 stig. Um miðnætti á fimmtudag léttir til. Jafnvel má búast við því að sólin láti sjá sig á föstudag og laugardag.
