Mikið magn amfetamíns og lyfja haldlagt

Lögreglan á Suðurnesjum lagði hald á mikið magn af lyfseðilsskyldum lyfjum og amfetamíni síðasta föstudag. Efnin fundust við húsleitir á tveimur stöðum. Í öðru húsnæðinu fundust amfetamín og íblöndunarefni, vog, umtalsverð fjárhæð og skuldalistar. Talið er að þessir munir séu til fíkniefnasölu og lagði lögreglan því hald á þá. Í hinu húsnæðinu  fannst taska með miklu magni lyfja og krukka með hvítu efni, sem talið er vera amfetamín.

 

Annar húsráðenda viðurkenndi eign sína á hluta amfetamínsins og öllum lyfjunum, en þvertók fyrir  sölu og dreifingu.