Mikið magn af fíkiniefnum haldlagt á Leifsstöð

Tollgæslan á Keflavíkurflugvelli lagði á mánudaginn hald á 2 kíló af hörðum fíkniefnum sem 39 ára gamall íslenskur karlmaður hafði falið innan klæða. Um er að ræða 1 kíló af kókaíni og annað eins magn af amfetamíni og segir Morgunblaðið götuverðmæti efnanna vera allt að 45 milljónir.

Efnin fundust við reglubundið eftirlit, en aldrei áður hefur fundist jafn mikið af þessum efnum á einum farþega, en hann var úrskurðaður í 3 vikna gæsluvarðhald á þriðjudag.