Miðbæjarsvæðið í Vogum með vinsælar lóðir

Lóðir á miðbæjarsvæðinu í Vogum voru auglýstar lausar til úthlutunar um síðustu helgi. Að sögn Ásgeirs Eiríkssonar, bæjarstjóra Voga, hafa nú þegar nokkrar umsóknir borist og talsvert verið um fyrirspurnir.
Í þessum áfanga verður lóðum úthlutað fyrir fimm einbýlishús, fimm parhús, fimm fjölbýlishús með sex íbúðum hvert og tvö fjölbýlishús með tuttugu íbúðum hvort. Í heildina verður því 85 lóðum úthlutað.
„Það er býsna mikil fjölgun á einu bretti í okkar samfélagi. Það verður því áhugavert að fylgjast með hver eftirspurnin verður og hversu margar umsóknir berast um þessar lóðir,“ segir Ásgeir.
Umsóknarfrestur lóðanna er til 21. október næstkomandi.