Mest lesið á VF 2014: Hunter fundinn!
- fannst í hólma við Þórshöfn í Ósabotnum.
Hundurinn Hunter, sem leitað hefur verið að undanfarna daga eftir að hann slapp úr flutningsbúri á Keflavíkurflugvelli, fannst 18. júní. Víkurfréttir greindu fyrstar fjölmiðla frá tíðindunum á vf.is.
Hunter var kominn út í hólma við Þórshöfn í Ósabotnum, rétt við þar sem gömlu ratsjárskermarnir voru á tímum Varnarliðsins. Eigandi Hunters óð sjálfur út í hólmann til að sækja hundinn og að sögn heimildarmanna náði sjórinn eigandanum upp í mitti. Hann naut stoðar björgunarveitarmanna við að koma Hunter í land.
