Mest atvinnuleysi á Suðurnesjum

Dregið hefur úr atvinnuleysi alls staðar á landinu nema á höfuðborgarsvæðinu. Atvinnulausum konum fjölgaði um 43 milli maí og júní en atvinnulausum körlum hefur hins vegar fækkað um 260. Mest er atvinnuleysið á Suðurnesjum 5% en minnst á Norðurlandi vestra 1,3%. Karlar hafa sömuleiðis fæstir atvinnu á Suðurnesjum eða 3,4%.Alls voru ríflega 5.000 manns að meðaltali á atvinnuleysisskrá á landinu öllu í júnímánuði og jafngildir það 3,2% af mannafla á vinnumarkaði. Atvinnulausum á landsbyggðinni hefur fækkað um 17% á milli mánaðanna maí og júní en á höfuðborgarsvæðinu fjölgaði atvinnulausum um 1,8% milli mánaða. Nærri lætur að 3 af hverjum 4atvinnulausum búi á höfuðborgarsvæðinu. Mesta atvinnuleysi í júnímánuði var á Suðurnesjum 4,1% og þar jókst fjölgaði atvinnulausum mest milli mánaða.Fæstir eru hinsvegar atvinnulausir á Norðurlandi vestra eða 1,3% af vinnuafli. Meðalfjöldi atvinnulausra á landinu í júní var rúmum 4% lægri í júní en í maí. Hinsvegar var fjöldinn 43% meiri en í júnímánuði í fyrra. Atvinnuleysi í júní var allsstaðar meira en í sama mánuði í fyrra nema á Austurlandi, þar sem það er svipað.

Atvinnulausum konum hefur fjölgað um 43 milli maí og júní en atvinnulausum körlum hefur fækkað um 260. Nánast öll fjölgun atvinnulausra kvenna er á höfuðborgarsvæðinu. Mest er atvinnuleysið á Suðurnesjum 5% en minnst á Norðurlandi vestra 1,3%. Karlar hafa sömuleiðis fæstir atvinnu á Suðurnesjum eða 3,4% en höfuðborgarsvæðið fylgir fast á eftir með 3,3% vinnufærra karla atvinnulausa. Vestfirskir karlar hafa hinsvegar flestir atvinnu, því aðeins 0,8% áætlaðs vinnuafls þar var án atvinnu í júní. Rúv greindi frá.