Menntamálaráðuneytið sátt við umbætur
– í Gerðaskóla í Garði
Menntamálaráðuneytið hefur móttekið niðurstöður úttektar á Gerðaskóla í Garði. Í bréfi til Sveitarfélagsins Garðs kemur m.a. fram að ráðuneytið telur að sveitarfélagið hafi gert fyllilega grein fyrir umbótum í kjölfar úttektar ráðuneytisins.
Ráðuneytið hvetur sveitarstjórn til að halda áfram eftirfylgni sinni með skólastarfinu og vinna áfram að því umbótastarfi sem hafið er við Gerðaskóla.
Í bréfinu til bæjaryfirvalda í Garði er tilkynnt að eftirfylgni ráðuneytisins með úttektinni, niðurstöðum hennar og umbótum sé lokið af hálfu ráðuneytisins.
