Menntamálaráðherra sat fund bygginganefndar FS

Í morgun heimsótti Þorgerður Katrín Gunnarsdóttir menntamálaráðherra Fjölbrautaskóla Suðurnesja og sat meðal annars óformlegan fund bygginganefndar skólans. Að sögn Ólafs Jóns Arnbjörnssonar var fundurinn gagnlegur. „Við höfðum gott tækifæri til að ræða stöðu skólans, framtíðaráform og uppbyggingu skólans við ráðherra. Þetta var góður fundur,“ sagði Ólafur Jón í samtali við Víkurfréttir.

Myndin: Ólafur Jón Arnbjörnsson skólameistari, Þorgerður Katrín Gunnarsdóttir menntamálaráðherra, Steingrímur Sigurgeirsson aðstoðarmaður ráðherra, Böðvar Jónsson formaður bygginganefndar, Kristbjörn Albertsson formaður skólanefndar FS, Jón Sæmundsson og Hjálmar Árnason alþingismaður á fundi bygginganefndarinnar í morgun.

VF-ljósmynd/Jóhannes Kr. Kristjánsson