Meirihluti íbúa Reykjanesbæjar ánægðir með aðstöðu til íþróttaiðkunar

Yfir 86 prósent íbúa Reykjanesbæjar eru ánægðir með aðstöðu til íþróttaiðkunar í bæjarfélaginu, samkvæmt nýrri könnuð Gallup á þjónustu sveitarfélaga 2015. Þetta kemur fram á vef Reykjanesbæjar.

Meðaltalsniðurstaða svara um viðhorf til aðstöðu til íþróttaiðkunar er 4,2 í Reykjanesbæ en 4,0 á landsvísu af fimm mögulegum. Reykjanesbær skorar einnig hærra í ánægju með þjónustu grunnskóla og leikskóla, þjónustu við fatlaða og eldri borgara og með skipulagsmál almennt. Munar þar einu til tveimur stigum miðað við landsmeðaltal. 

Þjónusta Reykjanesbæjar er yfir landsmeðaltali í 6 þjónustuþáttum af 12 sem spurt var um í könnuninni. Óánægðastir eru íbúar með umhverfið í nágrenni heimilisins. Hvað hina þjónustuþættina sex varðar gefur niðurstaða könnunarinnar bæjaryfirvöldum tækifæri til að gera enn betur, segir í frétt á vef Reykjanesbæjar. „Auk umhverfisins er það þjónusta við sorphirðu, menningarmál, þjónusta við barnafjölskyldur, bæjarfélagið til búsetu og þjónusta bæjarfélagsins á heildina litið,“ segir þar.