Meintur ökuníðungur neitar sök

Ökumaðurinn, sem lögreglan í Keflavík mældi á rétt liðlega tvö hundruð kílómetra hraða á Reykjanesbraut í fyrrinótt, neitaði sök við yfirheyrslur í gær. Lögregla fann bílinn í iðnaðarhúsi í Keflavík í gær og lagði hald á hann með samþykki eigandans og verður meðal annars athugað hvort upplýsingar finnast í aksturstölvunni. Þá verður rætt nánar við vitni að akstrinum og farið yfir gögn úr myndavél og hraðamæli lögreglubílsins.

Mynd: BMW bifreið ökmannsins við lögreglustöðina í Keflavík í gær en halda var lagt á bifreiðina eftir að hún fannst í iðnaðarhúsnæði í Keflavík.