Með sveppi og meint kannabisefni í bílnum

Ökumaður sem lögreglan á Suðurnesjum stöðvaði síðasta laugardag viðurkenndi að eiga meint kannabisefni og þurrkaða sveppi sem fundust í bíl hans. Þá var hann grunaður um akstur undir áhrifum fíkniefna. Þrír ökumenn til viðbótar voru stöðvaðir vegna gruns um fíkniefnaakstur og ók einn þeirra að auki ökuréttindalaus þar sem hann hafði áður verið sviptur réttindum.