Með kjötexi og hnúajárn á milli sætanna
- Nokkrir ökumenn undir áhrifum fíkniefna
Lögreglan á Suðurnesjum hefur handtekið nokkra ökumenn á undanförnum dögum vegna aksturs undir áhrifum fíkniefna. Einn ökumannanna, sem sýnatökur staðfestu að hefði neytt amfetamíns og kannabisefna, var með kjötexi og hnúajárn á milli sætanna í bifreið sinni, sem var ótryggð. Annar sem ók undir áhrifum fíkniefna var með meint amfetamín í bifreið sinni og farþegar í tveimur bifreiðum til viðbótar framvísuðu kannabisefnum. Enn einn ökumaðurinn sem reyndist hafa neytt amfetamíns og kannabisefna ók ótryggðri bifreið.
