Með 2000 skammta af stinningarlyfi í Leifsstöð
Rúmlega fimmtugur karlmaður var stöðvaður í Leifsstöð í liðinni viku með um 2000 skammta af stinningarlyfinu Kamagra í ferðatösku á leið til landsins frá Thailandi, með millilendingu í Kaupmannahöfn.
Samkvæmt upplýsingum frá Tollstjóra telst þessi innflutningur á lyfinu vera brot á lyfjalögum og varðar því væntanlega sektum, ekki fangelsi.
Götuverð á Kamagra mun vera 4500 krónur fyrir skammtinn þannig að 2000 töflur færu á um 9 milljónir króna.
