Matreiðslumaður hjá Lava sigrar í eftirréttakeppni

Þórður Matthías Þórðarson, matreiðslumaður Lava, veitingastaðar Bláa Lónsins hf. sigraði í eftirréttakeppni Garra ehf á sýningunni Stóreldhús 2011 sem haldin var nýlega. Sigurrétturinn er súkkulaði ganache með myntuhlaupi, kakó sírópi og mojito sorbet.

Þórður sagði að það hefði verið skemmtilegt og krefjandi að taka þátt í keppninni og að sigurinn hefði komið ánægjulega á óvart.

Viktor Örn Andrésson, yfirmatreiðslumeistari Bláa Lónsins, sagði að það ríkti mikill metnaður og skemmtilegt andrúmsloft á meðal matreiðslumanna Bláa Lónsins og að sigurinn væri mikil hvatning fyrir starfsfólk til að halda áfram á sömu braut. "Eftirrétturinn verður fljótlega í boði á matseðli Lava sagði Viktor að lokum.