Markaðsstofa Reykjaness í samstarf við Íslenska ferðaklasann

Fulltrúar Markaðsstofu Reykjaness og Íslenska ferðaklasans undirrituðu síðasta þriðjudag samstarfsyfirlýsingu um eflt samstarf og samvinnu á milli landshlutas og ferðaklasans sem vinnur á landsvísu.

Á vef Markaðsstofu Reykjaness segir að aðilar að samstarfsyfirlýsingunni muni beita sér fyrir því að koma á skilgreindum verkefnum á sviði uppbyggingar í ferðaþjónustu auk þess að miðla fræðslu og þekkingu meðal ferðaþjónustuaðila. Þá munu aðilar standa fyrir sameiginlegum viðburðum, ráðstefnum, námskeiðum, fjarfundum og öðru sem við á hverju sinni.

Þuríður Aradóttir Braun, forstöðumaður Markaðsstofu Reykjaness, Kjartan Már Kjartansson, formaður stjórnar Markaðsstofu Reykjaness, Ásta Krisín Sigurjónsdóttir, klasastjóri Íslenska ferðaklasans og Berglind Kristinsdóttir, framkvæmdastjóri Sambands Sveitarfélaga á Suðurnesjum.