María mey birtist ljósmyndara úr Reykjanesbæ
María mey birtist ljósmyndara úr Reykjanesbæ þegar hann myndaði norðurljós yfir landinu. Hefur hann birt ljósmynd því til staðfestingar.
Páfagarður hefur tilkynnt um sérstaka nefnd til að rannsaka fullyrðingar um að María mey birtist fólki daglega í bænum Medjugorje í Bosníu-Hersegóvínu, að því er fram kemur á dv.is.
Fyrst var tilkynnt um myndbirtingu Maríu meyjar í bænum í júní árið 1981 af sex börnum, en myndbirtingin hefur ekki enn verið viðurkennd af Páfagarði.
Í athugasemdum við fréttina á dv.is bendir norðurljósaljósmyndarinn Olgeir Andrésson úr Reykjanesbæ á að María mey hafi sést á himninum yfir Íslandi og birtir Olgeir ljósmynd því til staðfestingar.
Sagt er að María mey sé ýmist íklædd gráum fötum með slæðu eða í gylltum klæðum, stjörnum krýnd og svífi á skýi þegar hún sést í Bosníu-Hersegóvínu.
Þrjú ljósleiftur eru sögð boða birtingu Maríu meyjar í bænum, og sagt að þegar hún birtist sé ekki hægt að heyra raddir þeirra sem á horfa.
