Mannlaus rúta brann við Vesturbraut

Mannlaus langferðabifreið brann í nótt við Vesturbraut í Keflavík. Þegar eldsins varð vart um kl. 04 í nótt stóð bifreiðin í björtu báli og er gjörónýt eftir brunann.

Það vildi til happs að í brunanum fóru bremsur af bílnum þannig að hann rann stuttan spöl frá byggingu þar sem hann stóð og það kom í veg fyrir að eldur læsti sig í bygginguna.

Slökkvilið Brunavarna Suðurnesja slökkti eldinn en ljóst er að bifreiðin er gjörónýt.