Málningu slett á pósthúsið

Málningu var slett á póshúsið í Garði um helgina en atvikið var tilkynnt í gær til lögreglunnar á Suðurnesjum. Lögreglan biður þá að hafa samband sem geta gefið upplýsingar um málið.

Grjót féll í gær af gámi gámaflutningabifreiðar og lenti á fólksbifreið með þeim afleiðingum að töluverðar lakkskemmdir urðu henni. Engin slys urðu á fólki en atvikið varð á Reykjanesbraut. Þá varð all harður árekstur í gærmorgun á Aðalgötu í Keflavík. Engin slys urðu á fólki en flytja varð ökutæki af staðnum með dráttarbifreið.