Malbikað á Miðnesheiðarvegi á morgun

Á morgun, þriðjudaginn 9. júní, er stefnt á að malbika 800 metra kafla á Sandgerðisvegi á milli Reykjanesbrautar og Miðnesheiðarvegar og einnig 600 metra kafla við gatnamót hjá Miðnesheiðarvegi.

Sandgerðisvegur og Miðnesheiðarvegur verða lokaðir og hjáleið verður um Garðskagaveg.

Áætlað er að framkvæmdirnar standi frá kl. 08:00 til kl. 20:00. Vegfarendur eru beðnir um að virða merkingar og hraðatakmarkanir og sýna aðgát við vinnusvæðin. Vinnusvæðin eru þröng og menn og tæki eru við vinnu mjög nálægt akstursbrautum.