Mál Guðrúnar Gísladóttur KE tekið fyrir á norska Stórþinginu í dag

Á norska Stórþinginu í dag verður lagð fram tillaga um að flak Guðrúnar Gísladóttur KE verði lyft af hafsbotni við Lófóten og fargað.

Vefmiðill Morgunblaðsins hefur eftir NRK, norska ríkisútvarpinu, að nokkur óvissa ríki um útkomuna. Skiptar skoðanir eru á milli þingmanna þar sem fulltrúar af Nordland-svæðinu eru nær einhuga um að hífa Guðrúnu upp, en sjávarútvegsráðherrann, Svein Ludvigsen, hefur lýst því yfir að hann telji réttast að láta flakið liggja eftir að olíu hefur verið dælt úr því.

Þessi mál munu væntanlega skýrast síðar í dag.