Maður handtekinn með sprengju og skammbyssu í heimahúsi

Lögreglan á Suðurnesjum og sérsveit ríkislögreglustjóra fóru inn á heimili í Reykjanesbæ í gærkvöldi vegna grunsemda um að maður væri þar með ólögleg skotvopn og jafnvel með heimagerða sprengju. Við húsleitina fannst heimatilbúin sprengja, ætlað efni til sprengjugerðar, hlaðin skammbyssa og nokkurt magn eggvopna.

Maðurinn var vistaður í fangageymslu og verður yfirheyrður síðar í dag.

Mynd úr safni VF.