Lýst eftir hjónum úr Garðinum

Lögreglan á Suðurnesjum lýsir í kvöld eftir hjónum úr Garðinum sem eru horfin. Á fésbókarsíðu lögreglunnar er því velt upp hvort þurfi að kalla til bakvakt rannsóknardeildar vegna málsins.

„Ja hérna hér, nú er eitthvað einkennilegt í gangi og spurning hvort við þurfum ekki að fara að kalla út bakvakt rannsóknardeildar. En nú rétt í þessu var okkur að berast tilkynning um að þessi hjón sem eru búsett í Garðinum séu horfin. Við viljum biðja íbúa í Garði að svipast um eftir þeim í garðinum hjá sér og kanna með þau. Ætli það gæti við að Örkin hans Nóa sé komin í einhverja höfnina þar sem von er á rigningu næstu daga? Það á varla að fara að rigna svona mikið er það?,“ spyr lögreglan.

Vonandi finnast fiðruðu hjónin sem fyrst.