Lýsingin á ekki að vera truflandi
– fyrir þá sem vilja skoða næturhimininn
Bæjarráð Sveitarfélagsins Voga vísaði á dögunum erindi Birkis Rútssonar varðandi lýsingu göngustíga til umhverfis- og skipulagsnefndar sveitarfélagsins. Á fundi Skipulagsnefndar 19. nóvember 2021 lagði nefndin til að lýsing göngustíga yrði sett á fjárhagsáætlun næsta árs. Birkir biður um að göngustígar meðfram strandlengjunni fái að haldast rökkvaðir svo hægt sé að njóta næturhiminsins áfram.
„Núna er í skoðun lýsing nokkura göngustíga til að bæta öryggi þeirra. Skoðaðar verða ýmsar lausnir og þar á meðal lýsing með lágum staurum (<1m) sem eiga ekki að vera truflandi fyrir þá sem vilja skoða næturhimininn,“ segir í afgreiðslu skipulagsnefndar á málinu.
