Lokun Gunnuhvers skaðar ferðaþjónustu á Reykjanesi

Ferðamálasamtök Suðurnesja harma mjög langvarandi lokun háhitasvæðisins við Gunnuhver á Reykjanesi. Þetta kemur fram í ályktun frá aðalfundi samtakanna sem haldinn var 10. október sl. sem beint er til stjórnar HS orku.

„Þessi lokun hefur að áliti fundarins skaðað verulega ferðaþjónustuna á utanverðu Reykjanesi. Fundurinn beinir þeirri eindregnu ósk til stjórnar HS orku að hefja nú þegar lagfæringar  á aðgenginu að háhitasvæðinu og Gunnuhver samkvæmt fyrirliggjandi tillögu  þannig að opna megi svæðið að nýju,“ segir í ályktun aðalfundarins.


Ljósmynd: Oddgeir Karlsson