Lokuðu Brautinni
Almenningur sem sat fastur var þó ekki að æsa sig og virtist sýna aðgerðum bílstjóra skilning. Eftir að leyst hafði verið úr flækjunni boðuðu forsvarsmenn bílstjóra enn frekari aðgerðir á næstunni.
Hátt í hundrað vörubílar stöðvuðu umferð um Reykjanesbraut, við Kúagerði, í einn klukkutíma í morgun. Þetta er hluti af mótmælaaðgerðum atvinnubílstjóra gegn háum álögum stjórvalda á eldsneyti.
Á meðal þeirra sem sátu fastir á Brautinni voru farþegar á leið í flug, en einnig áhafnir og eldsneytisbílar á leið á flugvöllinn. Urðu þó ekki miklar tafir á flugi.
VF-myndir/Hilmar Bragi
