Loksins fór að rigna

Íbúar suðvesturhornsins geta varla kvartað þó tekið hafi að rigna í nótt eftir langvarandi, sólríka góðviðristíð það sem af er sumri. Jafnvel má reikna með að margir séu því fegnir að fá rigningu og ekki veitti gróðrinum af smá vökvun þar sem hann var víða farin að gulna vegna þurrks. Eins hefur verið mikil hætta á sinueldum upp á síðkastið.
Veðurspáin gerir ráð fyrir rigningu í dag og á morgun við Faxaflóa. Áttin verður suðlæg, 5-10 m/s en snýst í suðaustan 8-13 á morgun. Hiti verður á bilinu 11 – 16 stig.

Veðurhorfur á landinu næstu daga:
Á föstudag: Sunnan 5-8 m/s og dálítil rigning á vestanverðu landinu, en annars hægviðri og léttskýjað. Hiti 12 til 20 stig, hlýjast norðaustanlands. Á laugardag og sunnudag: Fremur hæg breytileg átt og víða lítilsháttar væta. Hiti 11 til 16 stig. Á mánudag og þriðjudag: Austlæg átt og áframhaldandi væta víða um land, en fremur milt veður. Á miðvikudag: Útlit fyrir norðaustanátt og kólnandi veður.

Mynd: Horft til Miðnesheiðar yfir Njarðvík nú áðan. Fremur grámyglulegt að sjá en við kvörtum ekki. VF-mynd:elg