Loki í brúarglugga varðskips í Helguvík

Um borð í varðskipum Landhelgisgæslunnar gengur lífið sinn vanagang. Nýjasti meðlimurinn í áhöfn Týs er bangsinn Loki sem hefur aðsetur í brú varðskipsins. Þetta skemmtilega framtak áhafnarinnar er liður í verkefninu bangsi í glugga sem ætlað er að gleðja yngstu börnin.

Á meðfylgjandi myndum má sjá Loka í brúarglugga Týs þegar skipið hafði viðkomu í Helguvík. Þar voru þó engin börn á ferli að leit að bangsa í glugga.