Lokaspretturinn hafinn við Hafnargötu

Starfsmenn Nesprýði tóku hressilega á því í dag þegar ljósmyndari Víkurfrétta átti leið um Hafnargötu í dag.

Þeir eru nú að leggja lokahönd á frágang við hringtorgið á gatnamótunum við Vatnsnesveg og verður gatan opnuð fyrir almennri umferð að því loknu.

Vegfarendur taka eflaust eftir því að mikil skál hefur verið steypt ofan í torgið og er það vegna þess að gert er ráð fyrir að setja þar tjörn og gosbrunn þegar fram líða stundir.