Lögreglan óskar upplýsinga um GSM númer

Rannsóknardeild lögreglunnar í Keflavík hefur til rannsóknar kæru vegna símaónæðis. Rannsóknin hefur leitt í ljós að ónæðishringingar berast frá síma 846-6092 en það númer er óskráð GSM frelsis númer frá Landssímanum. Lögreglan skorar á handhafa númersins að gefa sig fram við rannsóknardeildina og beinir þeim tilmælum til þeirra sem geta upplýst um handhafa númersins að koma þeim upplýsingum á framfæri við lögregluna í síma 420-2400.Þetta kemur fram í fréttatilkynningu sem lögreglan sendi Víkurfréttum fyrir stundu. Þá kemur einnig fram að þessi háttur hafi ekki verið viðhafður áður varðandi rannsóknir símaónæðismála en er í raun það eina sem lögreglan getur aðhafst þegar um óskráð GSM númer er að ræða.