Lögreglan lýsir eftir tveimur stúlkum

Vegna málsrannsóknar óskar lögreglan á Suðurnesjum eftir því að ná tali af tveimur stúlkum sem höfðu ekið um Hafnargötu í Reykjanesbæ aðfaranótt sunnudagsins 30. júní s.l. á milli kl. 03:30 og 04:30.

Umræddar stúlkur voru að öllum líkindum á bláleitum 4 dyra smábíl og aftan í honum var barnastóll eða barnasæti. Bifreiðin var kyrrstæð ofarlega á Hafnargötu þegar stúlka kom að og bað um að sér yrði ekið heim og urðu þær við því.

Stúlkurnar munu hafa verið frá höfuðborgarsvæðinu eða á leiðinni þangað.
Stúlkurnar, eða hver sá sem getur gefið upplýsingar um það hverjar þær eru, eru beðnar um að hafa samband við rannsóknardeild lögreglunnar á Suðurnesjum í síma 420 1700.