Lögreglan leitar að gámum

Lögreglan á Suðurnesjum leitar að tveimur gámum sem virðist hafa verið stolið af Ásbrú.

Um er að ræða tvo 20 ft. gáma sem voru teknir frá Funatröð 8 á Ásbrú, en þeir voru þar við húsið.
Annar gámurinn er innréttaður með klósetti og kaffiaðstöðu, með sæti og borðum fyrir 8-10 manns , grár að lit. Gengið inn um hlið á honum.

Hinn gámurinn var vinnugámur, rauður að lit.
Einnig er horfið þaðan rörastillans, að gerðinni Bostic frá Byko,en sá er 220 lengdarmetrar.

Gámarnir voru staðsettir þar sem rauði hringurinn á myndinni er.
Ef einhver hefur upplýsingar um hvarf þessarar gáma þá má hinn sami hafa samband við lögreglustjórann á Suðurnesjum hér eða með því að hringja í síma 444-2200.