Lögreglan athugar hvort starfsmenn séu með atvinnuleyfi

Undirverktaki í byggingariðnaði í Reykjanesbæ var í vikunni sektaður eftir að lögreglan á Suðurnesjum hafði heimsótt vinnustað hans og komist að raun um að þar voru þrír erlendir menn við vinnu án þess að vera með atvinnuleyfi hér á landi. Mennirnir voru færðir á lögreglustöð þar sem teknar voru af þeim skýrslur. Þá kom vinnuveitandinn á stöðina og undirritaði sektargerð.
Lögregla mun halda áfram eftirliti með málum af þessum toga.