Lögreglan aðstoðaði við minniháttar umferðaróhöpp

Þrjú minniháttar umferðaróhöpp urðu í gær þar sem lögregla aðstoðaði ökumenn við útfyllingu tjónstilkynningar.

Þá var einn ökumaður tekinn fyrir of hraðan akstur á Reykjanesbraut. Hann mældist á 126 km. hraða á 90 km. kafla.

Kvöldið var rólegt en lögregla hafði afskipti af tveimur ökumönnum á Reykjanesbraut vegna hraðaksturs. Annar mældist á 114 km hraða þar sem hámarkshraði er 70 km/klst en hinn mældist á 119 km hraða þar sem hámarkshraði er 90 km/klst.