Lögreglan á Suðurnesjum tístir fram á nótt

Í dag, föstudag, fer fram Twitter-maraþon lögreglunnar, svokallað Löggutíst. Í löggutístinu munu Lögreglan á Suðurnesjum, Lögreglan á Norðurlandi eystra og Lögreglan á höfuðborgarsvæðinu nota samfélagsmiðilinn Twitter til að segja frá öllum verkefnum sem koma á borð þessarra lögregluliða frá því kl.16 til kl.04 á laugardagsmorguninn.

Tilgangur viðburðarins er að gefa almenningi innsýn í störf lögreglu með því að fylgjast með útköllum sem henni berast, fjölda þeirra og hversu margvísleg þau eru.

Á meðan viðburðinum stendur munu embættin nota #-merkið #löggutíst til að merkja skilaboðin.

Lögreglan á Suðurnesjum mun tísta frá sínum notaendaaðgangi: @sudurnespolice – eða á www.twitter.com/sudurnespolice

Lögreglan á Norðurlandi eystra mun tísta frá sínum notaendaaðgangi: @logreglanNE – Það má einnig sjá hér www.twitter.com/logreglanNE

Lögreglan á höfuðborgarsvæðinu mun tísta frá sínum notaendaaðgangi: @logreglan – eða á www.twitter.com/logreglan