Lögregla með lýsingu á manni sem byrlar slævandi lyf
- Gestir skemmtistaða séu á varðbergi.
Vegna atviks sem átti sér stað á skemmtistað í Reykjanesbæ um síðustu helgi, þegar ungri stúlku var byrlað ketamín, sem flokkast undir slævandi lyf, vill lögreglan á Suðurnesjum beina þeim tilmælum til gesta skemmtistaða í umdæminu að vera á varðbergi gagnvart slíku athæfi.
Lögregla hefur undir höndum lýsingu á einstaklingi, sem grunaður er um verknaðinn og er hans nú leitað. Ekki er unnt að veita frekari upplýsingar um málið á þessu stigi.
