Lögregla leitar innbrotsþjófa

Brotist var inn í Aðalsjoppuna við Tjarnargötu í Vogunum um klukkan eitt í nótt.  Þaðan var stolið um 20 kartonum af Winston sígarettum.  Í öryggismyndavél Aðalsjoppunar sást til tveggja ungra manna við verknaðinn. Báðir voru klæddir í dökkar hettupeysur, önnur með áberandi netamynstri.  Báðir voru í bláum gallabuxum og annar í hvítum strigaskóm.  Er þeirra nú leitað og biður lögreglan alla sem gætu gefið upplýsingar um málið að hafa samband við lögregluna á Suðurnesjum.