Loftrýmisgæsla hefst að nýju

Loftrýmisgæsla Atlantshafsbandalagsins við Ísland hófst á ný 17. ágúst sl. með komu flugsveitar bandaríska flughersins.

Verkefnið er í samræmi við loftrýmisgæsluáætlun NATO fyrir Ísland. Alls munu um 120 liðsmenn bandaríska flughersins taka þátt í verkefninu og koma þeir til landsins með fjórar F-16 orrustuþotur.

Gera má ráð fyrir aðflugsæfingum að varflugvöllum á Akureyri og Egilsstöðum 18. – 23. ágúst nk.

Er þetta er í þriðja sinn sem þjónusta íslenskra stjórnvalda vegna loftrýmisgæslu er í umsjón Landhelgisgæslu Íslands en verkefninu var fyrr á árinu sinnt af flugsveitum frá Kanada og Noregi. 


Myndin er af F-16 þotu norska hersins á Keflavíkurflugvelli fyrir nokkrum misserum. VF-mynd: Hilmar Bragi Bárðarson